(Das Strandbad in Klagenfurt an einem Februarabend 2018 bei dichtem Schneefall, menschenleer bis auf, am Ende des Steges, zwei ehemalige Beachvolleyball-Nachwuchsspieler in schwarzen Stiefeln, schwarzen Hosen und schwarzen Anoraks mit der Aufschrift "Security". Sie werfen Kieselsteine ins Wasser. Pause.)
DER ZWEITE: Echt Schikane, doss mia heit miassn Dienst mochn. Geht eh kana auße bei so an Wetta.
DER ERSTE: Eh nit.
DER ZWEITE: Kennt i schen daham sein bei da Burgi und bein Jesaja.
DER ERSTE: Wead wohl schon schlofn, Jesaja, oda?
DER ZWEITE: Muass nit sein. Is oft long woch letzte Zeit. Kriagt Zähn, man i.
DER ERSTE: Echt?
(Pause. Kieselsteine.)
DER ERSTE: Tuat a na reden aa schon?
DER ZWEITE: Gach amol sogt mu.
DER ERSTE: Mu?
DER ZWEITE: Mu.
DER ERSTE: Sunst nix?
DER ZWEITE: Lei mu. Mu mu. Mumumumu.
(Lange Pause. Kieselsteine.)
DER ZWEITE: I war froh, wonn bold sogn tat ma.
DER ERSTE: Ma?
DER ZWEITE (nickt): Burgi, waßt. Woatet ollweil, doss sogt ma. Ma ma, vastehst?
DER ERSTE: Oba sogt lei mu?
DER ZWEITE (nickt): Mu mu mu. Burgi ollweil: Ma ma ma. Oba er: Mu. Komisch, oda?
DER ERSTE: Wead wohl wissn, warum.
(Vorhang)
(Antonio Fia, 16.2.2018)